Ndërsa Franca ka regjistruar deri tani 161,488 persona të infektuar me koronavirus, Kryeministri francez Edouard Philippe do të paraqesë planin e qeverisë për të lehtësuar masën e mbylljes së vendit në Asamblenë Kombëtare Franceze ditën e martë.
Ky njoftim është bërë nga një zëdhënës për Kryeministrin për CNN ditën e djeshme.
Momentalisht Franca ka 44,594 persona të shëruar prej pandemisë dhe mbi 22 mijë viktima.
Ky njoftim i dhënë nga kryeministri Philippe do të pasohet me diskutim dhe do hidhet në votim ku shumica do vendosë nëse do miratohet ose jo.
Masat shtrënguese të vendosura prej Marsit në Francë janë planifikuar të hiqen në 11 maj.
Të Dielën e kaluar, Philippe paralajmëroi se "Franca nuk do të kthehet në normalitet për një kohë të gjatë".
Kujtojmë se në Paris janë zhvilluar protesta masive për zbutjen e masave të vendosura nga qeveria për të ndaluar përhapjen e pandemisë.
Burimi: cnn Përktheu dhe Përshtati: JOQ Albania
