Një denoncim i rëndë mbërriti disa ditë më në redaksinë e JOQ Albania, ku një qytetar nga Berati tregoi një rast flagrant dhune, me protagoniste Policinë e Shtetit.
Protagonist i dhunës nuk ishte ndonjë efektiv i thjeshtë, por vetë drejtori i Policisë së Beratit, Hasan Ahmetaj.
Qytetari u shpreh se Ahmetaj kishte dhunuar mjekun e urgjencës së spitalit të qytetit, Edison Skëndo, specializant në kardiologji.
Së fundmi bëhet e ditur se drejtori i Policisë së Beratit, Hasan Ahmetaj është larguar nga posti. Sipas ‘ATNA.info’ janë marrë edhe masa për zëvendësimin e tij.
Në vend të tij raportohet se do të emërohet ish-drejtori i Policisë Elbasan, Altin Qato. Hasan Ahmetaj njihet për bëma të shumta që nga ngacmimet seksuale të femrave duke shfrytëzuar detyrën, sjellja si bandit në Berat e deri te arrestimet pa autorizim.