Qeveria shqiptare ka propozuar në Kuvend ndryshime për kodin penal për shkelësit e karantinës. Ndryshime që janë bërë të ditura nga Kryeministri Rama.
Masat e reja ndëshkimore për shkelësit të propozuara nga qeveria, fillojnë nga dënimi me gjobë deri në denimin me burg nga 6 muaj deri në 15 vjet, në varësi të dëmit të shkaktuar nga personi qe ka shkelur karantinimin.
Propozimet e dorëzuara në Kuvend:
-Shkelja e masave të dhëna gjatë fatkeqësisë natyrore dënohet me gjobë ose me burg deri ne 6 muaj.
-Nëse personi e përsërit shkeljen, ai dënohet me burg nga tridhjetë ditë deri në një vit.
-Nëse shkelja e rregullave ka shkaktuar vdekjen e një personi, shkelësi dënohet me burgim nga një deri në pesë vjet.
-Moszbatimi i urdhërit të karantinimi, nga personi i infektuar ose jo dënohet me gjobë ose burgim deri në dhjetë vjet.
-Moszbatimi i karantinimit sjell pasoja të rënda për shëndetin ose jetën e njerëzve dënohet me burgim nga tre deri në dhjetë vjet.
-Moszbatimi i karantinimit që ka mundesi të sjellë ose ka sjellë vdekjen e një personit, dënohet me burgim nga pesë deri në pesëmbëdhjetë vjet.