Shkarkimet masive nga puna janë një nga pasojat më të mëdha që ka shkaktuar situata e krijuar prej koronavirusit.
Por mesa duket nuk është vetëm sektori privat që po ndërmerr masa të tilla, pasi edhe kompanitë shtetërore janë duke reduktuar fuqinë punëtore.
I tillë është rasti i kompanisë shtetërore të naftës, Albpetrol, e cila ka bërë shkarkime masive të punonjësve të saj.
Ka qenë një prej punonjësve të saj, që ka shkruar pranë redaksisë së JOQ Albania, ku denoncon shkarkimin e mbi qindra punonjësve nga kompania Albpetrol në qytetin e Patosit.
Ai shprehet se mbi 200 punonjës janë njoftuar për pushim nga puna një ditë më parë.
Siç shihet dhe në fotot e dërguara nga denoncuesi, lista me emrat e punonjësve që janë prekur nga shkarkimi masiv është afishuar në xhamin e QAKP-së.
Denoncimi i plotë:
E tanimë, halli i tyre që kanë mbetur të papunë është se ku do të gjejnë të ardhura për të siguruar mbijetesën, në këto ditë të vështira për të gjithë.
Ky nuk është rasti i parë që ndodhin shkarkime masive në shtet në këto ditë koronavirusi.
Pak ditë më parë në redaksinë e JOQ Albania u denoncua edhe shkarkimet masive nga puna në Bashkinë e Selenicës.
