Edhe në Kosovë gjendja paraqitet e rënduar prej koronavirusit. Numri i shqiptarëve që kanë humbur jetën nga koronavirusi në Kosovë ka shkruar në 6.
Ministri në detyrë i Shëndetësisë në Kosovë Arben Vitia, ka shprehur ngushëllime familjes së pacientes 66-vjeçare nga Banja e Malishevës, që humbi jetën nga koronavirusi.
Po ashtu ai ka bërë të ditur se tre pacientë të tjerë janë në gjendje shumë kritike për jetën prej koronavirusit. Këtë gjë ai e ka bërë të ditur me anë të një postimi në rrjetet sociale.
Kujtojmë këtu se edhe në Kosovë vazhdojnë thirrjet për të qëndruar në shtëpi për të respektuar distancimin social dhe higjenën personale.
Gati e gjithë bota është në psikozë prej koronavirusit. Numri i atyre që kanë humbur jetën nga koronavirusi është shumë i madh.
Postimi i plotë:
Sonte në betejë me virusin korona e humbëm dhe një paciente, grua, nënë, motër, qytetare e jona. Ngushëllime familjes dhe të afërmve të tyre me pikëllim. Mjekët e infermierët, laborantët e epidemiologët janë duke bërë gjithçka që ka kapacitet qenia njerëzore për të shpëtuar jetë. Por edhe tre pacientë të tjerë janë në gjendje kritike e në rrezik të lartë. Çdonjëri prej jush ka shumë detyrime në jetë. Prej atyre që nuk e ndalin dot punën e deri tek ata/ato që furnizojnë dhe i shërbejnë familjes. Ju mirëkuptojmë pa dyshim por ju thërrasim për kujdes të jashtëzakonshëm kur dilni dhe kur ktheheni në shtëpi. Ju lutem! Zero mirëkuptim për këdo që këto ditë të vështira, po del nëpër qytet a fshat pa arsye madhore, për ata që po i vijojnë vizitat si mysafirë te të afërmit, apo ata të cilët praktikisht po e lenë në bast jetën e tyre dhe të familjes së tyre. Le të mos luajmë me rrezikun e cenimit të shëndetit personal e kolektiv. Mbrojtja e jetës është detyrë mbi detyrat. Nuk na falet që me shkujdesje ta cenojmë. Qëndroni në shtëpi, ruani distancat.