Gjendja në vendin tonë paraqitet e rënduar prej Covid-19. Rastet me të infektuar janë shtuar nga dita në ditë.
Së fundmi lidhur me gjendjen e krijuar në vendin tonë prej Covid-19 ka folur edhe mjeku Pipero.
Ai ka thënë se ndoshta pas 7 ose 8 ditësh do të nisin të zbuten masat që janë marrë kundër përhapjes së Covid-19, por të moshuarit dhe të sëmurët kronikë do të vazhdojnë të qëndrojnë në shtëpi ka thënë ai.
Më tej mjeku ka vazhduar:
Situata në spitalin COVID-1, spitali infektiv është dinamike. Kemi pacientë që bëhen gati të dalin nga spitali. Dita ditës po shtohet numri i të shëruave dhe ky është një lajm i mirë kemi dhe pacientë, raste të mesmë, të rëndë dhe raste kritike, 2-3 në terapi intensive.
Gjatë fjalës së tij mjeku ka thënë se java që sapo lamë ishte java e pikut. E më tej ka shtuar:
Java që sapo lamë ishte e pikut, dhe kjo javë është ajo e sheshpushimit. Duhet të jemi të përgatitur për një kohë të gjatë me masa shtrënguese më të lehta. Por më të shtrënguara, sidomos pensionistët dhe të sëmurët kronikë. Pra pavarësisht se masat mund të lehtësohen nuk duhet të jenë të lehtësuara dhe nuk mund të lehtësohen për të moshuarit dhe të sëmurët kronikë pasi ato vazhdojnë të jenë të rrezikuar një lloj si kur kemi 2 raste apo 200 raste. Për ta periudha qëndrimit të detyruar në shtëpi do të jetë më e gjatë.
Thirrjet për të qëndruar në shtëpi vazhdojnë. Po ashtu vazhdojnë edhe thirrjet për të respektuar higjenën personale dhe distancimin social.
