Sulmuesi anglez, Wayne Rooney duket se nuk po e përballon dot izolimin në shtëpinë e tij për shkak të koronavirusit.
Ish-futbollisti i Manchester United, vendosi të thyejë karantinën dhe bëjë një shëtitje me gruan e tij Kolin, duke vizutuar familjen e mbrojtësit të Manchester Cityt, Kyle Walker, me të cilën është fqinj.
Si duket, Rooney vendosi të marrë pak ajër në lagjen e tij, por u pikas nga autoritetet dhe u detyrua të kthehet përsëri brenda.
Një oficere e policisë i doli përpara çiftit dhe nuk i ka lejuar të vazhdojnë rrugën.
Ai kërkoi ndjesë për gjestin e tij, ndërsa klubi aktual ku aktivizohet, Derby County është duke përgatitur një gjobë të majme për të.
