Shqiptarja në Greqi bën gjestin e madh, qep 600 maska falas për spitalin e qytetit ku jeton

Një shqiptare në Greqi ka bërë një gjest humanitar në qytetin ku ajo jeton.

Bëhet fjalë për Elona Agollin, e cila prej disa vitesh jeton dhe punon në qytetin Grevena.

Spitali i qytetit grek i ka kërkuar emigrantes shqiptare që të qepte 600 maska, pasi ajo zotëron një rrobaqepësi.

Ajo iu fut punës menjëherë dhe arriti t'i përfundojë maskat mëngjesin e kësaj të shtune.

Kur e pytën për çmimin e maskave, Elona iu tha se i ka bërë falas.

Veprimi human i shqiptares ka marrë vëmendjen e mediave lokale të qytetit, të cilat nuk kanë hezituar t'i kushtojnë një artikull gjestit të saj.

Një nga fqinjët e Elonës, Yiannis Evangelopoulus, është shprehur:

Për fat të mirë në këto periudha kaq të vështira ka ende humanizëm. Ndihem krenar që kam një fqinje të tillë, ndihem krenar që kam njohur një familje kaq të mrekullueshme. Bravo është më e pakta që mund t'i them."

Burimi: Greveniotis|Përktheu dhe Përshtati: JOQ Albania