Gati e gjithë Shqipëria është në psikozë prej Covid-19. Numri i të infektuarve me Covid-19 raportohet se ka shkuar në 76 persona deri më tani.
Një vajzë e prekur nga Covid-19 ka folur dhe me zë dhe me figurë dhe ka treguar se si po e kalon ajo këtë gjë. Ajo u bënë thirrje të rinjve që thonë se nga Covid-19 rrezikohen vetëm të moshuarit.
Vajza e re, e cila ka folur është cilësuar si e infektuara e 69-të me Covid-19 në vendin tonë.
Ajo thotë:
Këtë video e nisa sepse vazhdoj të shoh postim pa fund për shkeljen të drejtave për karantinimin apo nuk po merr askush parasysh pasojat psikologjike të të qëndruarit brenda. Dhe përveç kësaj shoh vazhdimisht njerëz që vijojnë jetën normalisht pa shqetësimi sidomos këtu në lagjen time ku të gjithë e dinë që jemi të paktën 2 veta të infektuar dhe kushedi sa të tjerë mund të rezultojnë. Pasojat psikologjike të qëndrimit brenda në shtëpi sidomos kur jeni të shëndetshëm janë të papërfillshme me pasojat kur shikon një familjarë që ta merr ambulanca dhe që do të kesh komunikim vetëm telefonik për kush e di se sa kohë. Përveç kësaj me pasojën që do të kesh kur të vijnë të bëjnë analizën dhe të trajtojnë sikur je një mbetje kimike sepse fundja në këtë pikë ke të njëjtën rrezikshmëri për të tjerët.
Vajza ka thënë se ajo nuk ka pasur ndonjë histori udhëtimi në Itali dhe sipas saj nuk ka pasur as kontakte me persona të infektuar, por sërish ka dalë pozitive për Covid-19.
Më tej ka thënë:
Nuk kemi pasur kontakte me njerëz të infektuar, nuk kemi pasur kontakte me njerëz të ardhur nga jashtë apo me njerëz që kanë shfaqur simptomat. Nuk e di si e kemi marrë dhe kur e kemi marrë. Kjo do të thotë se tashmë nuk janë rrezik potenciale vetëm ata të ardhur nga Italia dhe ata që kanë pasur kontakt me ta, por shumë më shumë njerëz dhe është një rrezik të cilin ne nuk mund ta shohin se nuk e kemi përballë. Ky virus nuk është shaka, po jua thotë dikush që vuan pasojat, që ka dikë të shtuar në spital dhe po jua thotë dikush që është karantinuar momentalisht në shtëpi me zero kontakt njerëzor. Nuk po hiperbolizojë kur them se ky virus nuk është luftë individuale e secilit prej nesh, është një luftë e gjithë njerëzimit, dhe ne na duhet të bëjmë diçka shumë të vogël krahasuar me atë që po bëjnë mjekët dhe infermierët. Ne na duhet thjeshtë të rrimë në shtëpi dhe të sigurohemi të mos infektohemi dhe të mos infektojmë të tjerë që të mos u rrisim barrën mjekëve dhe tu lëmë mundësinë të gjejnë zgjidhjen e problemit dhe të mos mbingarkohen me pacientët që në 90 % të rasteve e kanë marrë virusin si pasojë e pakujdesisë qoftë të vetës, qoftë të dikujt tjetër. Duke shpresuar që kjo video tua bëjë situatën pak më të prekshme dhe pak më reale për të krijuar sensibilizim tek ju, ju lutem qëndroni në shtëpi, bëni kujdes maksimal dhe telefononi urgjencën nëse keni simptoma. Kujdesi nuk ju duhet vetëm për vete dhe familjarët por dhe për ata që takoni në rrugë, pasi këtu bëhet fjalë edhe për përgjegjësi të jetës së tjetrit.
