Bleu iPhone 7 tek AZA Electronics, djali zhgënjehet totalisht: Më morën 600 mijë lekë, sapo humbët 1 klient!

“Klienti është mbret”, thotë një shprehje e famshme që supozohet të vihet në zbatim nga bizneset... Por sa respektohet kjo nga pronarët shqiptarë?

Por me ato çfarë kemi dëgjuar, Shqipëria është padyshim vendi ku rëndësia që ke si klient sfumohet dhe në sytë e atyre që ofrojnë atë çfarë ti je interesuar të blesh, shihesh thjesht si një karrem i radhës “për të ngrënë” produktin që ata synojnë të shesin, e kjo është akoma më ironike kur të imponojnë të krijosh besim tek ta kur t'i fusin produktet e marketuara në fletushka poshtë dyerve të shtëpisë.

Raste të tilla ku klientit jo vetëm i mohohen të drejtat e tij, por edhe nënçmohet, nuk i dëgjojmë thjesht nga miq apo të njohur tanët por i kemi hasur individualisht në jetën e përditshme. E këtu nuk po flasim thjesht për mënyrën joetike të sjelljes nga ana e shitësve që shpeshherë lë për të dëshiruar, por ndër të tjera për të drejtat e tua si klient kur ble një shërbim apo produkt të caktuar në një biznes.

Një denoncim i tillë ka mbërritur në redaksinë e JOQ Albania nga një qytetar tejet i shqetësuar, i cili ka një mesazh për biznesin të cilit i është adresuar dhe përtej zhgënjimit, u bën me dije publikisht se sapo kanë humbur një klient i cili jo vetëm investoi tek ta para, por edhe besimin e tij për emrin që mbajnë.

Ai rrëfen se ka shpenzuar 600 mijë lekë të vjetra për një iPhone 7 të blerë tek një prej kompanive (më të njohura përsa i përket marketingut të gjerë që i bëhet) që ofron elektroshtëpiake dhe pajisje elektronike, AZA Electronics. Klienti rrëfen se ia mbajtën iPhone 2 javë në servis për një problem minimal të hasur dhe ia kthyen sërish me pretendimin se nuk përfshihej në garanci.

Djali shkruan:

Pershendetje joq. Me beri pershtypje nje kompani kaq e madhe dhe (serjoze) si AZA qe nuk mori persiper te rregullonte 1 iPhone 7 qe ka vetem 10 muaj qe eshte blere i ri me 2 vjet garanci. Ka prishur boksin e veshit dhe e moren kompania Aza Elektronics e mbajten rreth 2 jave ne servis dhe perfundimish e sollen mbrapsh dhe than qe ka thyer 1 pllak qe ka lidhje me boksin dhe nuk e perfshin garancia. Telefoni ishte i pa hapur ndonjehere me pare, pa asnje shenj gervishtje sepse as ne tok ska ra ndonjehere. Si shpjegohet kjo? Ajo eshte nje paisje e brendshme dhe nuk e perfshin garancia! Une do ta rregulloj ne servis privat ate problem tashme por me vjen keq nga kompania qe mori 60 mij lek te reja, dhe nuk i pergjigjet garancise qe jep vet. Ka humbur minimalisht 1 klient. Faleminderit JOQ nese e postoni. Aza Elektronics nuk jeni më te besueshem per klientet tuaj!

Në lidhje me këtë problem, ai i ka shkruar kompanisë AZA Elektronics edhe në faqet zyrtare dhe u ka shprehur edhe aty pakënaqësinë për shërbimin që ai thekson se i takonte duke i cilësuar si joseriozë.

Për rastin, Departamenti i Mbrojtjes së Klientit në JOQ Albania ka kontaktuar me kompaninë AZA Electronics për të marrë një reagim në lidhje me pakënaqësinë e klientit të tyre