Blerjet online janë një nga lehtësitë që njerëzit kanë përfituar nga zhvillimi i teknologjisë.
Edhe në vendin tonë, të shumtë janë qytetarët që zgjedhin të blejnë produkte të ndryshme online, pasi çmimet janë konkuruese.
Mirëpo, Drejtoria e Doganave në vitin 2016 dhe në vitin 2019, vendosi të rrisë taksat për blerjet online për produktet që kushtojnë mbi 22 euro
Një fotograf shqiptar, i quajtur Kristaq Kola, ka dërguar një mesazh në redaksinë e JOQ Albania, ku denoncon rritjen e "çmendur" të taksave dhe detyrimeve doganore mbi produktet e blera online nga Shqipëria.
Ai shkruan se po kërkonte në Amazon për të blerë një kamera, e cila kushtonte rreth 1,000 dollarë.
Sipas tij, taksa për këtë produkt që shitej nga SHBA-ja, shkonte 350 dollarë, ose 35%, nga të cilat 20% taksa e TVSH, ndërsa 15% detyrimi doganor.
Për një produkt 1,000 dollarë, sipas rregullave të reja të Drejtorisë së Doganave, një qytetar shqiptar duhet të paguajë 350 dollarë taksa e detyrime, pa përfshirë këtu çmimin e transportit të mallit nga vendi i origjinës drejt destinacionit përkatës.
Kristaqi shprehet se ka bërë një kontroll se sa kushtojnë taksat dhe detyrimet doganore për vendet e tjera fqinjë.
Nga ky kërkim rezulton se taksa greke dhe ajo italiane janë 26% në total, ndërsa ajo serbe është 25%.
Ai shkruan me ironi se ngaqë jemi vend me "mirëqenie më të lartë" se shtetet e sipërpërmendura, është diçka normale që taksat t'i kemi 10% më shumë se ta.
Mesazhi i plotë:
