Adriano Trevisan nuk është një numër. Ai nuk është viktima e parë italiane e koronavirusit, nuk është një emër dhe një mbiemër në gazetë. Adriano Trevisan është babai im. Ai është burri i nënës time Linda. Ai është gjyshi i Nicole dhe Leonardo".
Kështu u shpreh Vanessa Trevisan, ish-kryebashkiake e Vo', teksa kujton babanë e saj Adriano, i cili përfundoi në faqet e para të të gjitha gazetave disa ditë më parë pasi është viktima e parë e koronavirusit në Itali.
Tani Vanessa, 45 vjeç, e cila gjithashtu rezultoi positive në Sars-Cov-2 me nënën e saj është mbyllur në karantinë dhe do të qëndrojë atje për dy javë së bashku me të.
Në një intervistë për Repubblica, Vanessa flet përpos dhimbjes së humbjes së personit të dashur për të edhe për dhimbjen që i është shkaktuar prej lajmit se i ati u kthye në ‘një shifër’.
Fjalët e vajzës:
Viktima numër një e Koronavirusit. Më pas pati dy, tre, katër…dhe thanë: “ama ishte i moshuar”. Sikur mosha duhet të pakësojë dhiimbjen që unë ndiej, sikur humbja e tij të mos kishte aq rëndësi. Ka vdekur të premten dhe vetëm tani më që duhen bërë procedurat burokratike më kanë kërkuar një document identiteti të tij. Shkova kërkova në portofolin e tij dhe kuptova se babai im nuk jeton më.
Vanessa Trevisan sqaron se megjithëse fytyra e babait të saj njihet kudo si ajo e personit të parë që vdiq prej Koronavirusit në Itali ai ka pasur edhe më herët problem shëndetësore. Ai vuante nga zemra.
Vanessa thotë:
Më ka mbetur merak se mjeku i familjes nuk erdhi ta vizitonte në momentin kur kishte shumë nevojë dhe bëhet fjalë për ditën e enjte, 13 shkurt. Babai im kishte temperaturë dhe vështirësi në frymëmarrje. Telefonova mjekun i tregova gjendjen por nuk erdhi. Të dielën ditën e ditëlindjes së tij e shtruam në Schiavonia. Mjeku na siguroi se nuk duhet të shqetësoheshim. Në spital nuk arrinin të gjenin se kush e shkaktonte temperaturën dhe infeksionin në mushkëri çfarë dhe i shkaktonte vështirësi në frymëmarrje. Dokotresha e cila e ndoqi rastin tha se nuk mund të bënte testin për koronavirus sepse nuk e lejonte protokolli i spitalit nëse bëhej fjalë për pacientë që nuk kishin qenë kurrë në Kinë.
Burimi: fanpage.it Përshtati dhe Përktheu: JOQ Albania
