Policia e Shtetit zhvilloi mbrëmjen e djeshme një operacion që u shtri në tetë qarqe të vendit, ku u goditën disa biznese dhe lokale, të cilët ushtronin aktivitet të paligjshëm në fushën e vendosjes së lojërave të fatit dhe basteve online.
Në total u arrestuan 115 persona, mes tyre menaxherë dhe biznesmenë, ndërsa operacioni u krye në kohën kur luheshin ndeshjet e Europa League.
Mes të arrestuarve ishte edhe Elvis Mulaj, vëllai i Natasha Mulajt, e cila është kryetare e Kolegjit të Posaçëm të Apelimit (KPA), që përfshin shkallën e dytë të Vetting-ut.
Një ditë pas arrestimit të Mulajt, një denoncim i fortë ka mbërritur në redaksinë e JOQ Albania nga një qytetar, i cili ka hedhur akuza të forta në drejtim të vëllait të kryetares së KPA-së.
Ai thotë se Elvis Mulaj është një emër i njohur për Policinë e Shtetit, si dhe për Prokurorinë, pasi ndaj tij ka denoncime të shumta, për vepra të ndryshme penale në të cilat ai është përfshirë së bashku me dy vëllezërit e tij.
Denoncuesi thekson se, ndonëse ka një numër të madh denoncimesh në adresë të Mulajt dhe vëllezërve të tij, Vladimir dhe A.Mulaj, Policia dhe Prokuroria nuk kanë marrë asnjë masë për ta, pasi kanë mbështetjen e motrës së tyre.
Sipas tij, Policia e Shtetit dhe Prokuroria kanë qenë të pafuqishme ndaj vëllezërve Mulaj.
Mesazhi i plotë: