‘‘Diplomën e duan si biletë për arratisje”, studenti nxjerr pamjet/ Mbështetja s’ishte për Ramën, por për të riun

Kryeministri i vendit, Edi Rama, ishte i pranishëm mbrëmjen e djeshme në ceremoninë e diplomimit të studentëve të Mjekësisë.

Gjatë kësaj ceremonie jo gjithçka shkoi ashtu si pritej nga Rama. Ky i fundit u ndërpre disa herë nga studentët, të cilët thirrën ‘’Rama Ik’’.

Por ishte edhe një i ri, i cili tha këto fjalë:

Kam prerë biletën për arratisje nga Shqipëria. Diplomën e duan si bileta për arratisje."

Pas këtij zëri në sallë ushtuan thirrjet "Rama ik" dhe nisën duartrokitjet. Më pas u tha se duartrokitjet ishin për Ramën që tha:

Është një individ në shërbimin tuaj që të filloni të ushtroni profesionin. Merreni, jepini recetën e duhur. Në kohën e kaq shumë barnave të rimbursueshme i merr falas dhe nesër do të jetë më mirë.’’

Mirëpo sot pranë redaksisë së JOQ Albania ka shkruar një nga studentët e diplomuar mbrëmë. Ai ka thënë se duartrokitjet ishin për të riun që tha të vërtetën dhe jo për Ramën.

Mes të tjerash ai ka nisur edhe një video në redaksinë e JOQ Albania dhe thotë se jo të gjithë të rinjtë duhen futur në një thes.

Në video dëgjohen thirrjet ‘’Mos e prekni’’ dhe shikohet se si nxirret me forcë studenti që i tha Ramës,"Kam prerë biletën për arratisje nga Shqipëria. Diplomën e duan si bileta për arratisje."

Mesazhi plotë:

Pershendetje! Jam nje nga studentet e diplomuara mbreme. Do te doja t’ju percillja realitetin tone dhe jo ato qe qarkullojne ne rrjete sociale dhe media, nepermjet kesaj video. Shihni se per ke jane duartrohitjet, brohoritjet dhe mbeshtetja. Nuk mund te na gjykoj askush, nuk mund ti fusni te gjithe ne nje thes.’’