Një i ri shqiptar është vënë në pranga në Itali, pasi u kap duke shpërndarë lëndë narkotike.
25-vjeçari, identiteti i të cilit nuk bëhet me dije, u arrestua nga karabinierët në Assisi.
Ai kishte mbërritur në rajonin e Umbrias vetëm 5 ditë më parë, përmes një vize tre mujore.
Ndonëse kishte një kohë të shkurtër që ndodhej në Itali, ai kishte mundur të gjente klientë të shumtë, të cilëve u shiste drogën.
Ai u arrestua nga policia pasi i kishte dorëzuar një dozë kokainë një klienti, i cili ishte raportuar tek autoritetet si përdorues droge.
Kanë qenë raportimet e disa qytetarëve që vunë në lëvizje karabinierët dhe bënë të mundur kapjen e të riut shqiptar.
Gjykata ka vendosur dëbimin e menjëhershëm të shqiptarit nga territori italian.
Burimi: Corriere dell'Umbria|Përktheu dhe Përshtati: JOQ Albania