Dimri më i nxehtë në 120 vite/ Një ndër vendet më të njohura në botë për ski mbyllet, s’ka borë

Dimri i këtij viti është më i ngrohti në 120 vite. Në Antarktidë u shënuan temperatura rekord dhe muaji janar ka qenë i ngrohtë.

Vendi ku bëheshin ski Le Mourtis në Pyrenees të Francës është mbyllur, pasi aty nuk ka borë. Malet janë kafe dhe kanë vetëm pak borë, që nga larg duken vetëm si disa pika të bardha.

Në këtë vend ka dy vite që nuk bie borë dendur. Ndaj Le Mourtis është mbyllur dhe tani ngjan më shumë si një qytet fantazëm.

Zyra Kombëtare e Meteorologjisë në Francë ka bërë me dije se muaji janar ishte më i ngrohtinë 120 vjet. Dhe nuk ka qenë i ngrohtë vetëm në Francën e Jugut.

Në Antarktidë u mat temperatura 20.7 gradë Celsius më 9 shkurt. Atje asnjëherë nuk ka qenë kaq nxehtë.

Christophe Esparseil, shefi i hotelit dhe restorantit Tuc de l'Etang, ka thënë:

Ne vendosëm të mbyllim sepse nuk mund t'u garantojmë klientëve tanë një vend ku mund të bëjnë ski.‘‘

Qyteti i Le Mourtis është 1,371 metra mbi nivelin e detit dhe në këtë periudhë të vitit duhet të ishte i mbuluar nga bora.

Por ngrohja globale po bëhet gjithmonë dhe më shumë problem dhe pasojat janë bërë gjithnjë e më të dukshme.

Burimi: Bild/ Përktheu dhe përshtati: JOQ Albania