“Lali Eri ka mbaruar punë, lekët i fut në xhep”, udhëtarët ankohen për kushtet e terminalit

Shumë udhëtarë janë ankuar për kushtet e terminalit të ri, ku shprehen se nuk përmbush as ato më minimalet. Ky terminal i ri ndërqytetas nuk ka shumë ditë që është inauguruar, po raportohet se kushtet janë për të ardhur keq.

Vetë qytetarët thonë se në dispozicion janë vendosur vetëm 6 stola, ku disa prej të cilave janë të thyera. Mirëpo, ata nuk lënë pa ironizuar edhe kryebashkiakun Veliaj.

Njëri prej tyre tha:

Lali Eri ka mbaruar punë, lekët i fut në xhep. Jemi në rregull me lali Erin, po për ne... Unë jam invalid, dua të ulem diku.

Sipas udhëtarëve, aty ka shumë rrëmujë ashtu sikurse edhe kushtet higjienike lënë shumë për të dëshiruar.

Disa prej tyre shprehen:

Nuk ka, duhet me kthy kokën pas dhe i thënë dikujt më mbro pak e me mbaru punë.

Tualete nuk ka, vdiqa nëna, jam e sëmurë.

Në projektin e miratuar nga bashkia e Tiranës nuk është menduar një vend ku udhëtarët të mbrohen nga shiu apo dielli gjatë kohës që presin orën për tu nisur drejt destinacionit të tyre.