Juventusi nuk ka falur hapin fatal të Interit ndaj Lecces dhe sot ka nisur arratinë në klasifikimin e Serisë A. Bardhezinjtë kanë fituar 2-1 ndaj Parmës në ndeshjen e javës së 20-të të Serisë A.
Të dy golat e kësaj fotoreje i realizoi Cristiano Ronaldo në minutën e 43’ dhe 58’, duke arritur kështu në kuotën e 16 golave në kampionat këtë sezon.
Për miqtë, tundi rrjetën Cornelius në minutën 55’, i cili shënoi gol të bukur me kokë, por vetëm kaq, pasi bardhezinjtë menaxhuan mirë rezultatin deri në fund.
Pas kësaj fitore, Juve ngjitet në kuotën e 51 pikëve dhe thellon diferencën me Interin në 4 pikë, teksa zikaltërit janë 47 për momentin. Ndërkaq, Parma mbetet në vendin e shtatë me 28 pikë.