Imzot George Frendo nuk ka ndaluar edhe ditën e sotme, ku vetëm pak orë na ndajnë nga viti 2020, duke i bërë një apel të fortë politikës shqiptare.
I ftuar në Ora News, Kryeipeshkëvi metropolit i Tiranë-Durrësit ka theksuar se dëshira e tij më e madhe është që të rikrijojmë një shpirt në shoqëri.
Me tutje, ai është shprehur se, shoqëria shqiptare ka nevojë për të rizbulojë vlerat shpirtërore dhe këtu nënvizon rolin që kanë besimet fetare.
Sa i takon politikës, Imzot Frendo thekson se politikanët duhet të përfshihen në dialog për të gjetur zgjidhje për të cilën populli ka të drejtë.
"Gjithë Bibla është shprehje e dialogut mes Zotit dhe popullit. Uroj të përjetojmë dialog në çdo nivel, dialog me Zotin, dialog brenda familjes, dialog mes politikanëve. Me vullnet të mirë politikanët tanë të kërkojnë rrugën e dialogut për të gjetur zgjidhje për të cilën populli ynë ka të drejtë", thote ai.
Mesazhi i Imzot George Frendo:
Dëshira ime e madhe është që të rikrijojmë një shpirt në shoqëri. Të rizbulojmë vlerat shpirtërore në Shqipëri. Për këtë besimet kanë një mision të rëndësishëm në shoqëri. Vërtet politikanët mund të ndryshojnë strukturat por janë vetëm besimet që mund të ndryshojnë zemrat dhe të krijojnë një shpirt në shoqëri. Populli shqiptar e do paqen dhe shpresoj që viti i ardhshëm të sjellë më shumë siguri. Flas si një katolik i krishterë. Gjithë Bibla është shprehje e dialogut mes Zotit dhe popullit. Uroj të përjetojmë dialog në çdo nivel, dialog me Zotin, dialog brenda familjes, dialog mes politikanëve. Me vullnet të mirë politikanët tanë të kërkojnë rrugën e dialogut për të gjetur zgjidhje për të cilën populli ynë ka të drejtë.