Një shpërthim ndodhi mëngjesin e sotëm në zyrën e kryebashkiakut të Lushnjës, Fatos Tushe.
Nga shpërthimi me granatë mbeti i lënduar vetë kryebashkiaku dhe sekretarja e tij, Erisa Qalliu.
Të dy u dërguan në Spitalin e Traumës në Tiranë për mjekim më të specializuar. Tushe la spitalin pasditen e sotme, pasi nuk kishte lëndime serioze nga shpërthimi, ndërsa sekretarja e tij pësoi dëmtime më të rënda. Ajo mori dëmtime në kockat e fytyrës dhe ndodhet në spital.
Autori i dyshuar i ngjarjes sipas policisë është ish-shoferi i kryebashkiakut, shtetasi Gëzim Saraçi, i cili është shpallur në kërkim.
Mësohet se gjatë ndjekjes së Saraçit, një efektiv i forcave RENEA është aksidentuar, duke mbetur i plagosur.
Efektivi Qazim Surroi është dëmtuar në fundshpinë gjatë ndjekjes së ish-shoferit të Tushes.
Raportohet se Surroi ka qenë duke udhëtuar me mjetin e punës, në krye të detyrës, në momentin kur u aksidentua rëndë.
Ai është transportuar drejt Spitalit të Traumës për ndihmë më të specializuar mjekësore.