Shpërthen bombola e gazit në Tiranë, plagosen dy persona

Një ngjarje e rëndë ka ndodhur mesditën e sotme në zonën e Alliasit në Tiranë, ku një bombulë gazi ka shpërthyer në një banesë private.

Si pasojë e shpërthimit, banesa është përfshirë nga flakët, duke rrezikuar jetën e personave që ndodheshin brenda.

Burime zyrtare nga policia bëjnë se nga zjarri kanë mbetur të lënduar dy të moshuarit që jetonin aty, 80-vjeçari B.H dhe 77-vjeçarja, N.H.

Nxjerrja e tyre u bë e mundur nga forcat zjarrfikëse dhe ato të policisë.

Dy të moshuarit janë transportuar në spital për të marrë ndihmën e nevojshme mjekësore, ku ndodhen jashtë rrezikut.

Njoftimi i Policisë:

Rreth orës 13:09 në Allias, në një banesë private ka shpërthyer një bombul gazi dhe për pasojë banesa është përfshirë nga flakët. Policia së bashku me shërbimin e zjarrfikses kanë shkuar menjëherë në vendngjarje ku kanë mundur të nxjerrin dy të moshuar shtetasit B. H.,80 vjeç dhe N. H.,77 vjeçe që banonin në banesë, të cilët u dërguan në spital për ndihmë mjeksore . Grupi hetimor ndodhet në vendngjarje, ku po vijon punën për sqarimin e rrethanave të ngjarjes."