Nxënësja 10-vjeçare lavdërohet në rrjet, kjo ishte pyetja që refuzoi t’i përgjigjej në detyrat e shtëpisë

Një nxënëse shkolle i shkroi një shënim mësuesit të saj, duke i shpjeguar pse ajo nuk kishte pranuar t'i përgjigjet njërës prej pyetjeve të detyrave të shtëpisë, të cilën e konsideroi si "fyese" dhe "të pasjellshme".

10-vjeçarja Rhythm Pacheco, u lavdërua për veprimin e saj, pasi nëna e saj, Naomi e ndau përgjigjen e shkruar në libër të së bijës në internet.

Naomi zbuloi atë që vajza e saj kishte shkruar, kur kjo e fundit e thirri një mbrëmje, ku i tha se nuk po i përgjigje një pyetjeje në detyrat e shtëpisë së matematikës, pasi e gjykonte "të gabuar".

Dhe pyetja ishte:

Tabela në të djathtë tregon peshën e tre nxënësve të klasës së katërt. Sa kg më e rëndë është Izabela se nxënësja më e lehtë?

10-vjeçarja beson se pyetja ishte fyese për vajzat e reja, të cilat mund të ndjehen të pasigurta për trupat e tyre, dhe dëshironta t'ja tregojë këtë gjë edhe mësuesit të saj si referencë për të ardhmen.

Ajo rrethoi pyetjen në fletën e punës të matematikës dhe shkroi:

E tepërt! Më falni, nuk do t'i përgjigjem kësaj pyetje, është e pasjellshme.

Më pas ajo i shkroi një shënim mësuesit të saj, duke i shpjeguar pse nuk mund t'i përgjigjej pyetjes në fjalë.

Ndër të tjera në shënim thuhet:

Gjykimi i peshës së njerëzve, nuk është diçka e mirë."

Veprimi i vajzës bëri bujë të madhe në shkollë, saqë detyroi edhe autorin e programit mësimor të reagonte. Duke kërkuar ndjesë për ata që mund të jenë shqetësuar nga pyetja, ai tha se ankesa e vogëlushes 10-vjeçare do të merret seriozisht.

Burimi: Unilad|Përktheu dhe Përshtati: JOQ Albania