Gazetari Arian Çani ka kundërshtuar ashpër ligjin antishpifje, që u miratua pak ditë më parë në Parlament.
Ai bëri një analizë të këtij ligji, që nga momenti kur u propozua nga Rama e deri në miratimin e tij.
Në emisionin e tij "Ajsberg", gazetari theksoi se Rama nuk mori parasysh këshillat e KiE, organizatave ndërkombëtare, shoqatave të gazetarë, por vazhdoi dhe e çoi ligjin në Parlament, duke e mbrojtur me fanatizëm.
Ai tha:
Rama ka pasur disa tentativa për të miratuar këtë ligj që do të na kthejë mbrapsht. Ky ligj është futur dy herë në komisione dhe në Kuvend, por dy herë u zmbraps, u tërhoq, u zbyth sepse ishin ndërkombëtarët ata që nuk e mbështetën këtë ligj. Por Rama është këmbëngulës dhe e arriti sivjet. Nuk mori parassyh as këshillat e KiE, as të organizatave ndërkombëtare, as për shoqatat e gazetarëve shqiparë, por vazhdoi dhe e çoi ligjin në Parlament dhe e mbrojti atje sikur çfarë po bënte. E mbrojti si një çështje individuale, sikur të ishte shpëtimi i Shqipërisë. Ligji që të aprovohet do dekretin e presidentit dhe mesa u kuptua, Meta nuk ka ndërmend ta aprovojë ligjin. Derisa të dekretohet, ne mund të flasim lirshëm."
Më tej, gazetari theksoi se Rama e bëri këtë gjë për t'ju mbyllur gojën portaleve, të cilat sipas tij nuk i duron ato që shkruajnë, pasi kryeministri do që të gjitha mediat të thonë që do ai dhe jo atë që është.
Çani deklaroi se në këtë pikë, Rama po ia kalon edhe Erdoganit, ndërsa shton se do të bëhemi si në kohën e Partisë së Punës kur gjërat tregoheshin siç dëshironte diktatori.
Ai shtoi:
Po të analizojmë ligjin, aty antishpifja është sa për të hedhur hi syve sepse këtu kanë të bëjnë ca gjëra të tjera që fsheh ky ligji. Rama mund të marrë zotime sa të dojë dhe po t’i japësh ti pa lejen e ERTV, quhet gabim. Synimi kryesor i Ramës ka qenë tu mbyllë gojën portaleve. Ai ka një problem të madh me portalet sepse mund të shkruajnë çfarë duan. Ai nuk i duron dot dhe do që të gjithë portalet të thonë vetëm atë që do Rama. Ai në këtë pikë po ia kalon edhe Erdoganit. Do të bëhemi njësoj si në kohën e Partisë së Punës kur gjërat tregoheshin siç donte ai."