Drejtori i burgut të Shutkës, Esad Rahiq premton se do të bëhen 2 dhoma si vend ku personat e bashkësisë islame dhe asaj krishtere do të mund të kryejnë obligimet e tyre fetare.
Kushtet në burgun e Shutkës janë në gjendje të mjerueshme. Ndërkaq, drejtori aktual lavdërohet me përmirësimin e kushteve. “Gjendja është përmirësuar shumë, krahasuar me atë para 6 muajsh. Sa i përket kushteve sa i takon shëndetësisë, kemi 2 ambulanca, njëra e vjetër dhe tjetra e re. Tani ambulanca e vjetër do të rinovohet edhe pjesa e stomatologjisë. Kurse ambulanca e re do të ndahet në dy hapësira që do të jenë si dhoma për lutje dhe do i dedikohen të paraburgosurve të komunitetit musliman dhe atyre krishterë, që të mund të kryejnë obligimet e tyre fetare”, është shprehur drejtori Rahiq.
Nga ana tjetër, zëvendës drejtori Sadulla Arifi, bëri të ditur se tani do të bëjnë punësimin e 11 gardianëve, prej tyre 5 do të jenë shqiptarë.