Federata Evropiane e Futbollit ka bërë gafën që nuk besohet se shqiptarët mund t’ia falin. Përmes një postimi në Facebook UEFA e ka bërë Kosovën pjesë të Serbisë.
Edhe pse Federata Europiane e Futbollit e ka pranuar Kosovën në gjirin e saj, në profili e saj zyrtar të Euro 2020 e ka vendosur Kosovën në hartë së bashku me Serbinë.
“Ku do ta shikoni Euro 2020?”, është pyetja e UEFA-s, ndërsa në hartë Kosova nuk është e ndarë nga Serbia.
Kjo ka ngjallur reagime të shumta të shqiptarëve, por edhe të serbëve, të cilët janë “zënë” me komente.
Kujtojmë së vetëm pak muaj më parë edhe Kryeministri Edi Rama, përmes një postimi në Facebook, e bëri Kosovën pjesë të Serbisë, por reagimi i tij qe i menjëhershëm duke e fshirë postimin, dhe duke shmangur kështu një lumë komentesh të shqiptarëve.
Rama me UEFA-ën nuk kanë ndonjë lidhje të fortë, por dëshirën për mos të njohur Kosovën si shtet të pavarur dhe për ta bërë pjesë të Serbisë e paskan të përbashkët, të paktën në postime.