Analisti i njohur, Roland Lami ka komentuar sërish tërmetin e 26 nëntorit si dhe pasojat që la pas.
Teksa ndalet te roli i Ramës, ai shprehet se kryeministri t i ka dhënë mundësi kriza e sjellë nga tërmeti i 26 nëntorit që të vendosë veten në qendër të vëmendjes.
Sipas tij, kjo është një çështje që pritet të zgjasë, pasi kreu i qeverisë po e përdor për fushatë.
Për RTV Ora, Lami theksoi se Rama nuk nguronte të dublonte role që shumë mirë mund t'i takonin pushtetit lokal.
Më tutje, ai ngre pyetjen: Ku është qeveria, ku është ekonomia, siguria, ku janë përmbushjet e Bundestagut, ku janë partnerët strategjikë?
Së fundmi, analisti thotë se qeveria ka menduar t'i largohet problemit që duhet ti ballafaqohet.
"Do të na zgjasë gjatë çështja e tërmetit, si fushatë e re që Rama po e përdor për të shkuar drejt një varianti zgjedhje të parakohshme që mund ta sjellin rrethanat e paparashikueshme ose me mbyllje mandati për tu përgatitur për një mandat të tretë", theksoi ai.
Roland Lami tha:
Kryeministrit i ka dhënë mundësi kriza e sjellë nga tërmeti i 26 nëntorit të vendosë veten në qendër të vëmendjes. Po të shikosh gjithë situata e menaxhimit post tërmet kishte një personalizim të vëmendjes, një tërheqje të vëmendjes nga ana e medias, vetë tek kryeministri, i cili nuk nguronte të dublonte role që shumë mirë mund ti takonin pushtetit lokal, drejtues të Emergjencave Civile, ministrit të Shëndetësisë, por kryeministri ka vendosur ta shfrytëzojë këtë moment për të rikuperuar, për të risjellë në vëmendje, për ta sjellë si kapital të çmuar rolin e tij deçiziv për të zgjidhur situatën ku ndodhemi. Po ta shohësh është një fushatë që këto ditë është sfumuar, por unë mendoj se nuk do të zgjasë, do të rikthehet sepse i nevojitet ta ketë vëmendjen, si e si për të hequr vëmendjen nga ajo që i takon të bëjë. Ku është qeveria, ku është ekonomia, siguria, ku janë përmbushjet e Bundestagut, ku janë partnerët strategjikë etj. Qeveria ka menduar ti largohet problemit që duhet ti ballafaqohet. Do të na zgjasë gjatë çështja e tërmetit, si fushatë e re që Rama po e përdor për të shkuar drejt një varianti zgjedhje të parakohshme që mund ta sjellin rrethanat e paparashikueshme ose me mbyllje mandati për tu përgatitur për një mandat të tretë.