Disa ditë pas zbulimit të një trupi të djegur pranë stolit në një park në Mougins, në Alpes-Maritimes, çështja tanimë sapo u bë u zgjidh.
Gjatë një fjalimi për shtyp, prokurori i Grasse, Fabienne Atzori, konfirmoi se i dyshuari, një i ri 28 vjeç, kishte pranuar se kishte mbytur gruan e re gjatë natës së 24 dhjetorit, në orët e para të 25 dhjetorit.
Raportohet se ai u akuzua për vrasje.
Sipas prokurorit, i riu nga Kana kishte paguar për seks me viktimën në qytet.
Ai më pas e mbyti atë dhe e transportoi në Mougins, rreth 9 kilometra larg, ku e zhveshi dhe e dogji pjesërisht.
I riu ka pranuar se e kishte takuar viktimën natën e 24 dhjetorit, ku kishte kryer marrëdhënie seksuale me të.
Më pas, për arsye që do të konfirmohen më vonë, ai humbi toruan dhe e mbyti gruan, ku më pas u përpoq që të zhdukte trupin.
Fabienne Atzori e ka përshkruar autorin si një djalë të ri me precedentë të mëparshëm penal por nuk zbuloi identitetin e tij.
Ndërsa për shkaqet, prokurori u shpreh se viktima kishte bërë diçka që më pas kishte sjellë edhe humbjen e logjikës tek 28-vjeçari.
Një autopsi e viktimës pritet të kryhet të hënën, ndërsa prokurori tha se deklaratat e të dyshuarit "janë në përputhje me vëzhgimin mjeko-ligjor paraprak.".
Sipas Nice-Matin, viktima, një grua e re 37-vjeçare me origjinë shqiptare, ishte nëna e një fëmije 3-vjeçar.
Duke jetuar në Kanë, ajo ishte viktima e dhunës në vitin 2015, gjë që bëri të mundur identifikimin e saj si prostitutë.
I dyshuari, 28 vjeçari i cili jetonte në mes të Kanës dhe Le Cannet, është një shofer i kamioni.
Ai tregoi se e njihte viktimën si një klient i rastit.
Kujtojmë që viktima është 37-vjeçarja Brunilda Kovaçi Sadushi, e cila u gjet e vdekur në Mougins.
Burimi: lefigaro.fr |Përktheu dhe përshtati: joq-albania.com
