Premier League nuk njeh pushim. Kampionati më i fortë në botë luan sot ndeshjet e javës së 20-të, teksa kryendeshja e ditës ka qenë ajo mes Arsenalit dhe Chelseat.
Derbi londinez është mbyllur me fitoren 1-2 të "Bluve", të cilët fituan me përmbysje.
Sfida nisi me Arsenalin më kërkues, të cilët gjetën menjëherë golin, teksa në minutën e 13’, Aubameyang kaloi "topçinjtë" në avantazh.
Fraksioni i parë u mbyll 1-0, ndërsa pjesa e dytë, nisi menjëherë me Chelsean në sulm, të cilët dëshironin të gjenin golin e barazimit me çdo kusht.
Pikërisht ,goli erdhi në minutën e 83’, kur Jorginho barazoi shifrat në 1-1.
Ndërkaq, ishte Abraham që çoi peshë ekipin e Lampard, teksa në minutën e 87’, realizoi një gol shumë të bukur pas një kundërsulmi të nisur po nga ai vetë duke vulosur edhe fitoren 1-2.
Me këtë fitore, Chelsea qëndron në vendin e 4-t në tabelën e klasifikimit me 35 pikë, ndërsa Arsenali renditet i 12-i me vetëm 24 pikë.