“Populli s’ka lekë, s’kemi punë fare”, tregtarët ankohen për ulje të blerjeve

Teksa jemi në prag të festë së ndërrimit të viteve, atmosfera duket tejet e zbehtë.

Këtë gjë e konstatojnë tregtarët, të cilët thonë se të pakënaqur nga shitjet e festave.

Sipas tyre, vjet kanë shitur më shumë produkte, ndërsa këtë vit shitjet kanë qenë shumë të pakta. Sipas tyre, çmimet nuk janë rritur.

Për RTV Ora, ata shprehen:

Nuk ka punë fare. Nuk ka lekë populli. Çmimet nuk i kemi rritur, siç i kemi pasur gjatë gjithë verës.”

Mirëpo, qytetarët nuk janë dakord me pretendimet e tregtarëve, teksa theksojnë se ka një rritje të lehtë çmimesh.

Ashtu si gjatë viteve të fundit, qytetarët shprehen se më së shumti kanë blerë fruta dhe perime, pa harruar edhe ëmbëlsirën tradicionale të kësaj feste, bakllavanë.