“Ah ç’më gjeti mua, u shua mundi im”, banorja e pallatit të djegur në Pogradec mes lotësh: S’kam një kujtim nga fëmijët

Një zjarr që përfshiu një pallat në Pogradec mesditën e djeshme la pas 12 apartamente të shkrumbuara dhe 5 familje të mbetura në qiell të hapur.

Flakët dogjën gjithçka, ku përveç mureve të objektit nuk ka mbetur më asgjë.

Banorët e kateve të fundit në pallat vajtojnë dhe shpresojnë të gjejnë ndonjë kujtim të mbetur pa shkrumbuar.

Një nga banoret e pallatit kërkon në gërmadha fotografitë e fëmijëve të saj, por ka pak shpresa pasi duket se zjarri ka shkrumbuar gjithçka.

Mes lotësh, ajo shprehet për "News24" se s'i ka mbatur asnjë fotografi nga fëmijët e saj dhe se gjithë jeta e iku kot. Shemsie Ilo tregon se shiste çentro për të mbajtur fëmijët.

Ajo shprehet:

Gjithë jeta ime më iku, nuk kam një kujtim nga fëmijët, televizorin nuk e gëzova dot, si nuk më shpëtoi fotografia e djalit, nuk më shpëtoi një fotografi, u shua mundi im. Nuk i kam gëzuar këto shtëpi akoma. O Zot i madh! Nuk kam gëzuar asgjë të re. Gjithë jeta imë më iku. Po ç’ishte kjo? I kam mbajtur me grep e me shtiza. Shisja çentro që mbaja fëmijët. Ah ç’më gjeti mua."