E turpshme! Pasi iu hoqi shpërblimin e fundvitit, qeveria s’iu jep as pagesën e dhjetorit të verbërve

"Shpirtligësia" e qeverisë duket se ka arritur majat së fundmi!

E themi këtë, pasi qeveria ka vendosur përjashtimin e 13.500 personave të verbër në të gjithë vendin nga shpërblimi i fundvitit.

Lajmi është bërë me dije nga Shoqata Kombëtare e të Verbërve, e cila në një deklaratë për mediat, u shpreh se ky vendim përbën një akt diskriminues në raport me grupet e tjera të margjilizuara.

Sikur të mos mjaftonte kjo, të verbërit ankohen se nuk kanë marrë ende pagesën mujore të paaftësisë, duke rrëzuar deklaratën e ministrisë së Financave, e cila e kishte bërë fakt të kryer.

Kreu i kësaj shoqate, Ardian Hysa, ka akuzuar qeverinë për diskrimin ndaj komunitetit të personave që nuk shikojnë.

Sipas tij, të verbërit janë të vetmit ndër grupet e margjinalizuara që s'do të marrin shpërblim për festën e fundvitit.

Ai thekson se të gjitha qëndrimet e qeverisë ndaj të verbërve nuk janë rastësi dhe se ato janë kritikuar edhe nga Organizata e Kombeve të Bashkuara (OKB).

Në një prononcim për News24, ai u shpreh:

Problemi I vonesës së pagave të personave me aftësi të kufizuar është një histori e vjetër që arriti kulmin në fund të vitit 2013. Qeveria e majtë e sapoardhur në pushtet akuzoi ish qeverinë Berisha se i kishin harxhuar paratë në fushatën elektorale duke lënë për muaj të tërë pa paga personat pak. Vetë kryeministri rama në dhjetor të atij viti premtoi shlyerjen e plotë të borxhit ndaj këtij komuniteti të vuajtur si dhe zgjidhjen përfundimtare të problemit duke nisur nga janari 2014."