Altruizmi është një cilësi e karakterit dhe personalitetit, e cila dita-ditës po zhduket, ndërsa mirësia tek njerëzit sa vjen e ftohet më tepër.
Thuhet se njerëzit e varfër janë ata që zemrën e kanë më të madhe dhe janë të gatshëm t'i ndihmojnë ata që janë në një gjendje ekonomike më të vështirë se ta.
Një rast i tillë është edhe ai që do t'ju paraqesim më poshtë, ku një i moshuar ka bërë një gjest human, i cili meriton admirim dhe duhet të shërbejë si një shembull për të gjithë njerëzit.
Siç shihet dhe në videon e dërguar nga një qytetar në redaksinë e JOQ Albania, një i moshuar, i cili pavarësisht moshës, mundohet të sakrifikojë për të siguruar të ardhura financiare, duke shitur nëpër lokale të ndryshme në kryeqytet mbështjellëse për mbajtjen e kartave, i ka dhuruar 500 lekë të vjetra një nevojtari që po lypte në rrugë, që është në gjendje më të mjerueshme financiare.
Video është filmuar pranë Pallatit të Sportit "Asllan Rusi" në Tiranë.
Është për të ardhur keq që në kohët e sotme, të tillë njerëz si i moshuari në video, janë shumë të rrallë.
Mesazhi i plotë: