Politologu: Tërmeti mund t’i shërbejë Ramës për ta zhdukur Veliajn nga qarkullimi

Politologu Arjan Çuri, ka deklaruar se kryeministri Edi Rama mund ta përdorë tërmetin për ta zhdukur politikisht Erion Veliajn.

Sipas tij Rama është narratori më i mirë që kemi për momentin dhe se ka marrë edhe rolin e profetit. Ndërsa ka thënë edhe se tërmeti mund t’i shërbejë Ramës për ta zhdukur Veliajn nga qarkullimi.

Më tej ai ka argumentuar se Rama e ka gati alibinë, i fut një të shtyrë Veliajt dhe se kjo nuk i kushton asgjë.

Deklarata e tij:

“Përfiton Rama, është narratori më i mirë që kemi për momentin. Sigurisht tani që mori dhe rolin e profetit, unë besoj që Veliajn do e fshijë kësaj rradhe. Fakti që po i bie kaq fortë, mundet ta përdori tërmetin Rama për të spastruar të vetmin armik, Veliajn. Tërmeti mund t’i shërbejë Ramës për ta zhdukur Veliajn nga qarkullimi. Rama e ka gati alibinë, i fut një të shtyrë Veliajt, nuk i kushton asgjë Ramës dhe mendoj se do ta shkaktojë, ripërsëritjen e zgjedhjeve lokale, bashkë me të përgjithshmet në 2021, mund t’i rrëzojë vetë lokalet."

Kujtojmë këtu se prej kohësh përflitet se Rama dhe Veliaj kanë nisur një luftë midis tyre. Zërat thonë se Rama ka frikë se mos Veliaj kërkon të marrë drejtimin e PS-së.