Më pak se gjysma e qytetarëve të Maqedonisë janë optimistë se në vitin 2020 do të jetë më mirë se në vitin 2019 dhe konsiderojnë se janë të lumtur, ka treguar hulumtimi global i “Gallup International Asociacion”. Në Maqedoninë e Veriut studimin e ka realizuar “BRIMA”, anëtare e “Gallup International Asociacion” në partneritet me VIN, me 1.210 anketues.
Në pyetjen “Nëse konsideroni se viti 2020 do të jetë më i mirë, më keq ose i njëjtë me vitin 2019”, 43 për qind e anketuesve në Maqedoninë e Veriut kanë deklaruar se do të jetë më mirë, 18 për qind se do të jetë më keq, ndërsa 35 për qind e anketuesve konsiderojnë se do të jetë njëjtë si në vitin 2019, që tregon se në vend optimizmi është mbi mesataren botërore.
Në raport me rajonin, më optimistë janë të anketuarit nga Shqipëria, ndërsa më pesimistë janë serbët.
Nga anketa e Agjencisë është theksuar se Europa Perëndimore është rajoni më pesimist pas Lindjes së Afërt. Vendet që nuk janë anëtare të BE-së janë pothuajse dyfish më optimistë nga shtetet perëndimore në Europë.
