Presidenti Ilir Meta ka qenë i ftuar mbrëmjen e sotme në emisionin "360 Gradë" në RTV Ora, ku foli për situatën e rënduar politike në vend.
Kreu i Shtetit u shpreh se i ka bërë të gjitha përpjekjet për një dialog mes opozitës dhe mazhorancës, por që s'dhanë asnjë rezultat.
Meta i bëri thirrje popullit që të ngrihet në këmbë dhe të detyrojë Parlamentin të bëjë ligjin për referundum.
Sipas presidentit, kjo është e vetmja alternativë për zgjidhjen e krizës dhe nxjerrjen e vendit nga ky batak.
Ai deklaroi:
I kam bërë përpjekjet e mia për dialog me opozitës dhe qeverisë. Situata është kjo që është, Rama zgjodhi rrugën e kapjes së të gjithë institucioneve dhe të kapjes së reformës në drejtësi. Opozita zgjodhi rrugë shumë të gabuar që ishte delegjitimimi i institucioneve, dy rrugë pa asnjë takim. Ja ku jemi në këtë situatë, në këtë derexhe prandaj kam ardhur në këtë pozicion që si presidenti duhet ti them diçka njerëzve ore çfarë do të bëhet në këtë vend, kjo nuk shkon, si ta zgjidhim këtë. Ka vetëm një rrugë, asnjë shpresë tek kjo klasë politike. Po patët shpresa do prisni edhe 2000 vjet. Rruga është që të gjithë të ngrihemi në këmbë, të detyrojmë Parlamentin të bëjë ligjin për referendum dhe të shkojmë drejt referendumeve. Kaq. Vetëm aplikimi i referendumeve do e nxjerre Shqipërinë nga ky batak. Përderisa e kemi te vështire për dialog, për bashkëpunim dhe për të marrë përgjegjësi, atëherë referendumi mbetet e vetmja zgjidhje. Unë besoj shume tek demokracia dhe tek dhënia e këtij pushteti populli. Boll me vagabondët qe flasin ne emër te popullit, tani duhet te flasë populli me referendum."
