Majda dhe Adil Demiri, konkretisht 5 e 2 vjeç humbën jetën në valët e lumit Le Moingt të Francës vetëm dy ditë më parë.
Ata jetonin në Mont Brison të Francës, mirëpo ngjarja e rëndë ndodhi fatkeqësisht para syve të nënës së tyre.
35-vjeçarja ka parë tmerrin teksa fëmijët e saj mbyteshin dhe përpiqej që t'i shpëtonte por më kot.
Familja Demiri ishte nga Prizreni, ndërkohë lidhur me ngjarjen kanë reaguar familjarët e Arijana Demirit, nënës së fëmijëve.
Për T7 ka arritur të kontaktojë vajza e tezës së Arijana Demirit, e cila ka rrëfyer se nëna e fëmijëve të mitur ndodhet në gjendje kome në spital.
Gazeta Express raporton se zyra e prokurorit në Saint-Etienne të Francës ka nisur hetimet, dhe ka urdhëruar autopsinë e dy trupave.
E familjen nga Kosova me qëndrim në Francë e kanë ngushëlluar presidenti i Kosovës, Hashim Thaci, kryeministri në detyrë, Ramush Haradinaj, e ministri në detyrë i Jashtëm, Behgjet Pacolli.