Analisti i njohur, Artur Zheji i është kthyer keq Ramës në lidhje me Minishengenin Ballkanik, ku ka reaguar me anë të një shkrimi në portalin 360 Gradë.
Ai shkruan se gjatë kohës kur Kosova derdhej në gjak, Rama ishte ministër Kulture dhe si i tillë rrinte e tregonte qyfyre duke ngrënë peshk krudo.
Në fund, analisti ka edhe një këshillë për kryeministrin, ku i thotë që duhet të kthehet pas.
Kjo gjë, pasi ka shkelur në një minë shumë të rrezikshme, siç është pikërisht minishengeni Ballkanik.
Ja çfarë shkruan Zheji:
E bëri edhe këtë ay, kryeministri ynë! E bëri mbledhjen e ballkanasve veriorë, pa Kosovën dhe duke i kthyer dukshëm shpinën kësaj toke të përgjakur?!
Kush e këshillon?
Kush e shtrëngon, kush e mban peng dhe çfarë e nxit kryeministrin që duket se e njeh fare pak historinë e vendit të tij?
Ku ishte ky lloj robi, 20 vite më parë kur derdhej gjak në Kosovë dhe ay, hante peshk krudo, tregonte qyfyre dhe zbavitej, si ministër kulture?
Është kjo një hakmarrje ndaj Bashkimit Europian dhe ndaj Berlinit?
Është ky një lapsus?
Mendoj se ka kohë të kthehet pas ky, sepse ka shkelur një minë shumë të rrezikshme!