Sot bëhet një muaj nga tërmeti tragjik ku humbën jetën 51 viktima dhe u plagosën qindra të tjerë.
Një nga vendet që u trondit më shumë ishte Tumana, ku u shënuan 24 viktima shume prej tyre pjesëtarë të të njëjtave familje. Sot që e kujtojmë, Thumana është thuajse e zbrazët.
Bilanci në Thumanë dhe në të gjithë Bashkinë Krujë është i rëndë, përqendruar në zonën e Thumanës dhe Bubqit.
Sipas Bashkisë Krujë janë 3040 shtëpi të dëmtuara, 1500 prej tyre janë shpallur të pabanueshme.
Sipas abcnews 15 shkolla dhe kopshte, Komisariati i Krujës, një pjesë e godinës së spitalit të Krujës dhe Qendra Shëndetësore në Bubq, janë dëmtuar.
Ndërsa sa i përket strehimit të banorëve, 350 prej tyre janë strehuar përkohësisht në Lezhë, 170 janë strehuar në palestra dhe konviktin e Krujës ndërsa 581 banorë të Thumanës dhe Krujës janë ende në çadra edhe pse ka kaluar një 1 muaj nga tërmeti.
Bashkia ka marrë disa apartamente në kryeqytet pranë kthesës së Kamzës, por banorët e Krujës për shkak të largësisë dhe pamundësisë për të vazhduar punën nuk kanë pranuar të shkojnë.
Ende nuk ka një bilanc përfundimtar të godinave të dëmtuara.
