Teksa vendi vijon të dergjet nga pasojat e rënda që ka lënë pas tërmeti shkatërrimtar, kreu i qeverisë vijon të bëjë "show mediatik" në kanalin e tij ERTV me banorët e prekur nga fatkeqësia natyrore që goditi vendin më 26 nëntor.
Sot kreu i qeverisë ka bërë një veprim të pazakontë duke puthur në ballë Pëllumb Salillarin, pronarin e kompanisë së njohur të ndërtimit "Salillari", e cila njihet si ndër të preferuarat e qeverisë dhe Bashkisë së Tiranës, të cilat e kanë shpallur fitues në dhjetëra tendera.
Mirëpo, sa herë që Edi Rama është akuzuar për lidhje personale e favorizim të paligjshëm të oligarkëve, me tendera e PPP, afera tipike korruptive; ai ka reaguar i nervozuar në parlament e “FB”, duke i mohuar lidhjet klienteliste financiare
Në çdo rast denoncimi me fakte; Edi Rama, ka thënë: – “Shpifin, sikur unë paskam lidhje favorizuese me oligarkët. Unë nuk i kam njohur e takuar asnjëherë dhe nuk dua t’i njoh e t’i takojë kurrë, ata që padrejtësisht etiketohen si oligarkë. As unë e as qeveria ime, nuk ka përfituar asnjë qindarkë prej tyre”.
Edhe mund ta besonim kryeministrin në mashtrimin e tij, por puthja që i bëri ndërtuesit Pëllumb Salillari në ballë; tregon se Edi Rama, jo vetëm i njeh mirë, oligarkët që i rrëmëbeu Berishës pas 2013-ës e Metës pas 2017-ës, por dhe vazhdon pazaret financiare-pasurore me ta.
Kryeministri Rama, pas çdo zullumi të zbuluar nga mediat, ka thënë se ai dhe qeveria e tij; nuk kanë përfituar asnjë qindrakë nga oligarkët, por fakti që banesën në Petrelë e ndërtoi oligarku Salillari dhe e inaguroi kryeministri me kamera e puthje në ballë të Salillarit, tregon se ai “punon mirë” me ta.
Gjersa “humanisti” Salillari, ndërton banesë të re, për një fakir të panjohur në Petrelë, nuk dihet se çfarë “thesi” i para-jep për PPP e tenderë miliarda lekë, “humoristit” kryeministër e kryebashkiakut Veliaj që “menaxhon” këto show.
Ndërkohë që dihet, se oligarku Pëllumb Salillari nga Fushë-Peshtani i Beratit; i cili ka ndërtuar edhe vilat e Ahmetajt, Nikollës, Klosit e Beqajt në Lalz dhe të Gjiknurit, Çuçit e Alket Hysenit në Himarë; është aq “humanist”, sa nuk jep “1 një kafshatë bukë”, as për fëmijët jetimë brenda vëllëzërisë së tij në Ura Vajgurore, shkruan "Pamfleti".
Është devijacion psikologjik, apo “peng-marrje”; fakti që Salillarin e puth Edi Rama në ballë; kur duhet të ndodh e kundërta: oligarku Pëllumb Salillari, duhet ta puth në by**ë Edi Ramën, për miliardat dhe pasuritë e shumta që i ka dhënë, në këto 6 vite e gjysëm pushtet.
Sipas Thesarit të Shtetit/ Ja çfarë ka marrë oligarku Salillari, me udhër të kryeministrit Rama:
– Në vitet 2012-2013 dhe në 4 muajt shtator-dhjetor 2013 të pushtetit të PS; firma “Salillari” ka marrë nga qeveria dhe bashkitë “Rilindja”, 82 tendera për punë publike, me vlerë totale 950 milionë, 636 mijë e 250 lekë të reja.
– Në vitin 2014, firma “Salillari” ka marrë nga qeveria dhe bashkitë “rilindja”, 76 tendera për punë publike, me vlerë totale 1 miliardë, 542 milionë, 191 mijë e 064 lekë të reja.
– Në vitet 2015-2019, firma “Salillari” ka marrë nga qeveria dhe bashkitë “rilindja”, 280 tendera për punë publike, me vlerë totale 6 miliardë, 953 milionë, 623 mijë e 122.lekë të reja.
– Vetëm në tenderat tek “Unaza e Madhe” dhe Unaza e Re; firma “Salillari” ka marrë 61 milionë euro tendera.
– Vetëm për koncensionin e Terminalit të Transportit Publik-Tiranë, firma “Salillari” ka marrë 15.3 milion euro.
– Vetëm për asfaltimin e rrugës Cërrik-Belsh-Kuçovë në muajin qershor 2017; firma “Salillari” ka marrë 1 miliardë, 041 milionë, 230 mijë e 892 lekë të reja dhe shtesë kontrate 208 milionë, 246 mijë e 178 lekë të reja.
– Ka përfituar aksione në masën 50%, në koncesionin rrugor “Albanian Highway Concession”.
Ka marrë koncesionin “VEGA-SKY-2009”, me Nipt: K92206027O dhe administrator Luan Leka.
– Ka përfituar PPP-në “Porti MBM (Multi Buoy Mooring) në porto Romano-Durrës, falas nga shteti dhe me afat 35 vite, me Nipt: L51621501S e administrator Mirgen Nikaj.
– Ka përfituar PPP-në “HEC-Hydro Salillari”, me lum dhe territor në ish-repart ushtarak fshati Vërtop-Berat, marrë falas nga shteti me afat 35 vjet.
– Ka përfituar PPP-në “VALBANIA TREATMENT COMPANY”, në Vorë-Marikaj, ku zotëron 50% të kapitalit të kësaj shoqërie.
