Në pritje të konfirmimit për azil/ E moshuara fle jashtë çdo natë në karriget e lokalit, qytetari: Ta ndihmojë kush ka mundësi

Mosha e tretë është ajo kategori njerëzish që ka më shumë nevojë për dashuri dhe kujdes të posaçëm.

Për shkak të rëndesës së viteve mbi supe, mundit dhe sakrificave që kanë bërë, ata meritojnë disa ditë të qeta dhe paqeje.

Mirëpo në vendin tonë duket se të moshuarit janë një shtresë e lënë pas dore jo vetëm nga shteti dhe institucionet, por dhe nga vetë shoqëria.

I tillë është rasti i një të moshuare nga Durrësi, e cila po pret konfirmimin për azil, pasi është braktisur nga të gjithë.

Fatmirësisht ka ende njerëz zemërmirë që përkujdesen për ta, ashtu si qytetari që ka dërguar mesazhin e mëposhtëm në redaksinë e JOQ Albania, i cili rrëfen se e ka ndihmuar me aq sa ka patur mundësi, duke ja paguar hotelin për disa ditë.

Ai rrëfen se e moshuara detyrohet të fle jashtë çdo natë në karriget e një prej lokalit tek "Lulishtja", pranë Muzeumit.

Qytetari bën apel që kush ka mundësi ta ndihmojë zonjën e moshuar, që t'i ofrojë strehim deri sa ajo të marrë përgjigjen e azilit.

Mesazhi i plotë:

Pershendetje JOQ, eshte nje e moshuar ne Durres dhe pret konfirmim per azil. Po fle jashte tek nje nga tokat e lokalet e lulishtes ne karrige. Ja pagova hotelin per disa dite, se aq mundesi kisha, por sot e pashe qe po flente prape ketu, nqs ka njeri mundesi ta ndihmoje, e gjeni tek lokali i pare tek lulishtja (muzeumi), lokali quhet Hardy."