Çfarë mendoni se mund të përfitoni nëse përzieni acid, sapun dhe ngjyrues ushqimor? Nga eksperimenti i realizuar duket se është përfituar një pastë e madhe dhëmbësh “vullkanike”.
Pikërisht ky është eksperimenti i realizuar nga Nick Uhas dhe David Dobrik. Ata krijuan një vullkan të madh me shkumë duke përdorur disa përbërës të veçantë. Videoja e tyre quhet “Pasta e dhëmbëve për elefantët”.
Nga pamjet e publikuara, shpërthimi duket mjaft interesant. Është tamam ashtu siç mund të jetë një eksperimet i krijuar nga dy meshkuj që duan të bien në sy me një gjë të veçantë.
Më konkretisht, djemtë u munduan të rikrijonin atë që inxhinieri i NASA-s, Mark Rober në fillim të këtij viti, e përshkroi si “eksperimentin më të madh në botë të pastës së dhëmbëve të elefantëve”. Uhas dhe Dobrik shpresuan të mposhtnin inxhinierin me përpjekjen e tyre të re. E siç duket, ia arritën të shënojnë një rekord botëror.
Për ta bërë eksperimentin e tyre më të madh dhe më të mirë se kurrë më parë, djemtë u siguruan që të kishin një hapësirë me madhësi të mirë ku do të punonin, ndaj zgjodhën kopshtin e një banese. Rezultati? Shikoni videon më mirë...
***
Burim: Unilad |Përktheu dhe përshtati: JOQ Albania