Një reportere e një televizioni spanjoll, u ndje për disa minuta në “qiell të shtatë” kur mendoi se kishte fituar lotarinë, gjë e cila e bëri të thoshte “Nuk do të shkoj në punë”.
Por, kjo festë nuk zgjati shumë pasi pak më vonë mësoi se kishte fituar vetëm një pjesë të çmimit të përgjithshëm.
Çmimi më i lartë i Lotarisë së Krishtlindjes në Spanjë është 4 milionë euro, por ai ndahet mes fituesve të tjërë, që zakonisht janë të shumtë në numër.
Natalia Escudero, e cila punon për transmetuesin publik RTVE, filloi të ulërinte në kamera – para se të mësonte më vonë se do të merrte vetëm 5,000 euro.
Escudero më vonë kërkoi ndjesë për mënyrën se si reagoi gjatë transmetimit
Ajo tha se u pendua për sjelljen e vet kaq “emocionale” gjatë transmetimit të drejtpërdrejtë dhe shtoi se donte t’i shpjegonte veprimet e saj para shikuesve që “ndiheshin të mashtruar”.
Përgjigja e Escuderos erdhi pas akuzave për mungesë profesionalizmi pasi videoja e saj u shpërnda gjerësisht në mediat sociale. Duke iu përgjigjur kritikave, Natalia tha se kishte pasur disa muaj të vështirë për arsye personale, ndërsa shtoi se do ta bënte për çdo rast “një palë pushime“.
