Aktivisti i njohur, Aulon Kalaja ka reaguar në lidhje me 'Minishengenin Ballkanik', ku i është referuar faktit se ky projekt po krijon një Jugosllavi të re.
Më tutje, ai tregoi për “FaxNews” se takimi i Ramës me Zaev dhe Vuçiç ishte i paautorizuar dhe i pakonsultuar me askënd.
Më tutje, Kalaja thekson se Rama e bëri këtë lëvizje pikërisht për të fituar kredo politike.
Në bazë të analizës së tij, ky projekt duhet quajtur 'Mini-minishengen' sepse nga 6 shtete, vetëm 3 prej tyre duan të jenë pjesë duke përfshirë edhe Shqipërinë.
Ndërkohë, Kosova vijon me pasivitetin e saj ndaj këtij 'Minishengeni Ballkanik'.
Kalaja tha:
Protestat ishin të pritshme sepse ne kemi kundërshtuar këtë projekt që në krye të herës. Minishengeni ballkanik nuk është gjë tjetër veçse një Jugosllavi e re. Edi Rama është i paautorizuar dhe i pakonsultuar me askënd për këtë takim. Vizita duhet të ishte shtyrë madje duhet të ishte hequr fare nga agjenda. Kjo është një lëvizje për të fituar kredo politike. E gjithë klasa politike është kundër minishengenit ballkanik. Serbia ka marrë pjesë në takime, Vuçiç përmbushi ëndrrën e tij për të vizituar Durrësin dhe u zotua të ndihmonte në rindërtim. Por ka shumë pikëpyetje që vjen nga ana e Serbisë kur në këtë takim nuk merr pjesë shteti i Kosovës. Nga 6 shtete, vetëm 3 e duan minishengenin. Që këtu bie, nuk është më minishengen, por mini-minishengen.