Një shqiptar është dënuar ditën e sotme me dy vjet burg në Holandë, për ngjarjen e cila bëri jo pak bujë në maj të këtij viti.
Shqiptari përveçse vodhi një kamion, por vuri në rrezik edhe jetën e disa efektivëve policie, duke goditur makinën e tyre.
Pas kësaj ai u fut në korsinë e emergjencës në autostradë, dhe aty u pa që prej kamionit kërcyen tre veta të tjerë.
Shqiptari vazhdoi rrugën me kamion derisa u përplas me një automjet tjetër. Pas përplasjes ai tentoi të largoheshe në këmbë, por u detyrua të ndalonte kur policia holandeze qëlloi me armë në ajër.
46-vjeçari tha se nuk ishte shoferi i mjetit, por vetëm një emigrant që e kishin futur në mjet. Por të dhënat e ADN-së nga timoni dhe koka e marshit treguan se ai ishte drejtuesi.