Kosova duhet të ulet në tavolinë pasi vetëm në atë mënyrë, nëse është pjesë e bisedave, do të zgjidhen shumë çështje. Kështu ka porositur i pari i qeverisë së Maqedonisë së Veriut, Zoran Zaev.
“Kosova është mik i ynë i madh dhe shteti më i ri në rajon, i cili duhet të ndihmohet. Nëse ulet aty ku bisedojmë për këto punë të bukura, do të zgjidhen shumë çështje të cilat e ngarkojnë Kosovën, me atë edhe rajonin. Për këtë apelojmë dhe kemi mirëkuptim pse nuk dëshirojnë të marrin pjesë, pasi thonë se nuk na ftoni si Republika e Kosovës të marrin pjesë në ngjarjet. Por kjo nuk është gjë e re. Kur na fton Procesi i Berlinit, atëherë shkojmë me lloj të njëjtë të ftesave, keni kujdes që të vini të gjithë. Dhe i referohemi në pajtim me marrëveshjet ndërkombëtare të cilat ekzistojnë. Por aty qëndron flamuri i Kosovës. Do të thotë, kemi procedura dhe protokolle që i respektojmë deri në fund. Ashtu që apeloj të gjithë ta ndjekim, kjo është ajo që e punojmë me me atë që quhet rritje e bashkëpunimit rajonal. As nuk është shengen i vogël, as nuk është Jugosllavi e vogël, as asgjë prej kësaj. Ky është përshpejtim i bashkëpunimit rajonal. Evropa e pa, e njohu dhe e përkrahu”, tha Zaev.