Arturo Vidal do të largohet nga Barcelona dhe ofertat në drejtim kanë nisur të vërshojnë. Mesfushori kilian, është një nga objektivat kryesorë të Interit për merkaton e janarit.
Natyrisht, vetë Vidal nuk do t’i thoshte “jo” mundësisë për t’u bashkuar me Conten, me të cilin ka një marrëdhënie shumë të mirë që nga koha kur ishin bashkë te Juventusi.
Sipas “La Gazzetta dello Sport”, zikaltrit kanë përgatitur një ofertë zyrtare për Vidal rreth 12 milionë euro. Në anën tjetër Barcelona kërkon jo më pak se 25 milionë euro.
Edhe pse diferenca mes ofertës së Interit dhe kërkesës së Barcelonës është shumë e madhe nuk përjashtohet mudnësia që të klubet të gjejnë gjuhën e përbashkët brenda afatit të merkatos se janarit.