Ashtu si në edicionet e tjera, edhe këtë vit Festivali i 58-të i Këngësh në RTSH, u shoqërua me polemika të shumta, pasi fituese u shpall kënga "Shaj" e Arilena Arës.
Deri në momentet e fundit përflitej se fituesja do të ishte Elvana Gjata, por gjithçka ndryshoi papritur.
Kjo bëri që moderatorja e Festivalit, Alketa Vejsiut t'i kërkonte falje publike Elvanës duke u shprehur se nuk e kishte ajo në dorë përzgjedhjen e fituesit.
Ky veprim i Alketës solli edhe reagimin e këngëtares fituese të Festivalit, Arilena Ara, e cila do të prezantojë Shqipërinë në Eurovizion, i cili do të zhvillohet vitin e ardhshëm në Holandë.
Edhe këngëtarja e njohur nga Kosova, Adelina Ismaili, e ka komentuar këtë çështje të shumëdebatuar dy ditët e fundit.
Adelina reagoi ashpër përmes disa postimeve në InstaStory, duke sulmuar Alketa Vejsiun dhe ata që i cilëson "sponsora dhëmbë palarë", ndërsa i doli në krah Arilenës.
Këngëtarja nga Kosova shprehet se Alketa Vejsiu i mbeti borxh Arilenës, ndërsa thekson se kjo e fundit është një nga yjet më premtues të muzikës shqiptare, të cilën do ta shohim duke u ngjitur në skenat më të mëdha botërore.
Për Adelinën, Arilena është një nga yjet më premtuese të muzikës shqiptare, të cilën sipas saj do ta shohim shume shpejt duke u ngjitur në skenat më të mëdha botërore.
Ndër të tjera, ajo shkruan: