Pak ditë më parë, në emisionin investigativ "Ajsberg", u denoncua rasti i anëtarit të KLP-së, Tartar Bazaj, i cili dyshohet se në kohën kur ka qenë efektiv policie në Sarandë, në fillim të viteve '90, ka kryer një plagosje të dyfishtë pas një sherri në fshatin Vuno.
Mbrëmjen e sotme, drejtuesi i këtij emisioni, Artur Çani tregoi se ka takuar njërin nga personat që pretendon se është plagosur në vitin 1992 nga Tartar Bazaj, i cili sot është anëtar i Këshillit të Lartë të Prokurorisë.
Ai tregoi se ka qëndruar 8 ditë në spital në atë kohë, për shkak të dëmtimve të marra nga plumbi i dalë nga arma me të cilën u qëllua mbrëmjen e 2 shtatorit të vitit 1992.
Më tej ai shprehet se pas 20 ditësh, në shtëpi i erdhi një punonjës policie dhe e pyeti si ndodhi ngjarja.
Personi 1: “Unë isha atje, siç ishim dëgjuam që filloi sherri, dmth, s’kishte dhe drita ishte natë. Edhe dikush nga ata të fshatit pretendonte se I kishin ngacmuar gruan a motrën nuk e di. Nuk dallonim se çfarë po bëhej. U futëm aty për të shuar sherrin, me sa di ishin përfshirë 2 policië. Mua më kapi një plumb që u qëllua nga pistoleta, bashkë me mua edhe një tjetër. Shkova në spital në Sarandë, qëndruam 8 ditë atje pastaj u kthyem në shtëpi. Unë me thënë drejtën nuk e pashë kush më qëlloi. Nuk e di në ishin nga policët apo nga pjesa tjetër në konflikt. Pas 20 ditësh më erdhi një polic në shtëpi dhe më pyeti si ndodhi ngjarja. Më shpëtoi fati, fati im që u plagosa por edhe fati im që shpëtova”, tha personi të cilin “Ajsberg” vendosi të mos ia bëjë publik emrin.
Cani: Më tregon dot çfarë ndodhi me problemin e pronësisë në Sarandë?
Personi 1: Më kishin hapur një gjyq këta të Iljazajt, vajta brenda shte ky shoku, Tartar Bazaj, u bëmë shokë, më thanë është avokat, ia dhashë atij çështjen, e humba në fakt.
Çani: Në çfarë viti ka qenë ky gjykimi
Personi 1: Më duket se ka qenë në vitin 2004, po në 2004 ka qenë.
Çani: Jeni takuar pas 32004 me Bazajn më?
Personi 1: Jo jo nuk jam takuar më.
Gazetari Çani shkoi edhe në Sarandë ku u takua me dy ish-koleg të Bazajt, të cilët kanë qenë pjesë e policisë në atë kohë.
Një prejt tyre tha se Bazaj, i cili ka qenë në repartin e forcave të Ndërhyrjes së Shepjtë, u ndalua nga policia lidhur me ngjarjen. dhe më pas u la i lirë.
Biseda me personin 2 (ish-koleg i Bazajt):
Çani: Në një fshat këtu ka ndodhur në 92 një plagosje, dy veta janë plagosur. Për këtë ngjarje kanë ndaluar Tartar Bazajn.
Cani: E mban mend (pyet personin tjetër)
Efektivi: Ka qenë në repertin e ndërhyrjes së shpejtë, jo në repartin tonë të policisë.
Çani: E mban mend apo jo?
Personi 2: E mbaj mend si ngjarje por nuk kam qenë i pranishëm. U ndalua dhe më pas u la i lirë, unë nuk e di sa është mbajtur i ndaluar.
Biseda e gazetarit me një ish-koleg tjetër të Bazajt:
Personi 3: Nuk e kujtoj, të them ndonjë fjalë bote, nuk e di
Çani: Keni qenë policë njësoj, e njeh ti
Personi 3: E ke gabim, unë kam qenë policie e rendit
Çani: Keni qenë të dy bashkë
Personi 3: Jo nuk e mbaj mend, mbase ka qenë në FNSH
Çani: E shikoni, ju e dini më mirë se unë
Personi 3: Mbase por nuk më kujtohet.