'Minishengeni Ballkanik' ka prekur çdo politikan, personazh dhe personalitet, ku shumica i janë vënë kundër kryeministrit Rama me përfshirjen e Shqipërisë në këtë projekt.
Gjithashtu, Rama iu drejtua me fjalë shumë të ashpra kryeministrit Haradinaj, të cilin e konsideroi të paditur dhe gënjeshtar.
Ndërkohë, ish-deputeti i PD Genc Pollo ka qenë i ftuar në “Mbrëmje në ABC” me Mirela Milorin, ku ka thënë se e dëmtuara më e madhe në këtë rast është Kosova.
Më tutje, ai u shpreh se imazhi që i jepet botës që Kosova është e izoluar, është dëmtuese krahasuar me dëmet që i solli nisma me copëtimin e Kosovës.
Pollo thotë se:
Dalim me një nismë të re ku nuk ka më konsensus në rajon, mungon Bosnja dhe për Shqipërinë mungon Kosova. Ne mund të diskutojmë gjatë që është faji i Kosovës që nuk erdhën apo është faji i Edi Ramës që nuk i ftoi. Kryeministri në detyrë i Kosovës nuk është ftuar. Hashim Thaci mund të ketë arsyet e veta. U dogj me Ramën bashkë me dhe Vuciçin për shkëmbimin e territoreve. Unë po e them duhet të ishte edhe Bosnja. Mali i Zi ishte në mënyrë protokollare. Bosnja ka probleme të tjera, por nuk dëmtohet nëse nuk mori pjesë. Kosova dëmtohet. Bosnja ka probleme të brendshme, por ndërkombëtarisht është shtet i njohur nga të gjithë. Në këtë kontekst imazhi që i jepet botës që Kosova është e izoluar është dëmtuese krahasuar me dëmet që i solli nisma me copëtimin e Kosovës. Është një nismë e padobishme por teknikisht mund të mos jetë e dëmshme. Fakti që Kosova ishte e munguara e madhe kthehet në një dëm të madh për Kosovës, dhe që Shqipëria ka dorë kthehet në një dëm të madh.
