Në Kosovë shumë pak njerëz e përmendin opsionin e zgjedhjeve të reja, por shefi i Zyrës për Kosovën në Qeverinë e Serbisë është munduar të përzihet në punët e shtetit kosovar.
“Askush nuk e di nëse dhe kur do të formohet Qeveria në Prishtinë, dhe madje mund të ketë zgjedhje të reja në Kosovë”, ka thënë sot Gjuriq, raporton JOQ Kosova.
Një prej njerëzve me të urryer në Kosovë, Marko Gjuriq, ka thënë se zgjedhjet e reja varen kryesisht nga një faktor i huaj.
Këto fjalë, politikani serb i tha pasi u pyet nëse do të fillojë dialogu Kosovë-Serbi, i cili ka mbetur i bllokuar që prej një viti dhe nuk po mund të nis pa krijimin e institucioneve të reja.
Ndryshe, Gjuriq u kritikua ashpër kohën e fundit pasi mohoi masakrat që ushtria e Milloshevic i ka kryer në Kosovë.
